ලැබුනි පඩිපත අතට මාසයේ අගට අද
ගනිමි එය රුපියලෙන් පුරුද්දට සේ අදද
දකිමි අඩු පඩියක්ම ඒ ගනින දිනට අද
හෙළමි සුසුමක් මෙසේ පුරුද්දට දින අදද
දින පහට ගාස්තුව ප්‍රවාහනය හා සමග
වියදම්ය සති අන්තයේ එළියට නම් යෑම
සසඳමින් මිල ගණන් සිකුරාදා දිනයන්ට
නිමා වන හැටි දකිමි බැංකු ගිණුමෙන් කාසි
දිවි මග ඉලක්කයන් සිහිනයන් එමට ඇත
සිව් සකක් ඇති රියක සිහිනයද එහිම ඇත
ඒ සියලු සිහිනයන් බිඳ වැටෙනු දකිනු ඇත
ලැබෙන ශේෂය ගිණුම් මාසයේ මැදට ඇත
යැපෙන්නට නොහැකි සඳ තනිව හිඳිනා මේ ලෙසට
යැපෙන්නේ කෙලෙසින්ද කූඩු වී දෙදෙනෙකු ලෙසට
දකින්නේ සිහිනයන් කිසි දිනක සැබෑ නොවනා ලෙසට
සිටින්නේ මන්ද තව වෙනසක් නොකරමින් මේ ලෙසට
මිතුරු දම් බැඳී ඇත වෙන්වන්න නොහැකි ලෙස
කෙසේ නම් සිටින්නද අත වනන කළ සිහිනයන්
වැටුප නුඹ නම් දිනා ඇත ගනිමි දැඩි තීරණයක්
වෙන්ව ඉගිලී යන්න සොයා ඉහලම වැටුපකට
---රකිත---
