වෙදඟිල්ල මුදු නොමැති
නුඹලාට ගැටලුවකි
කලට අකලට පැහුණු කෙස්
ඔබට සරදම් වෙද
ගෙවෙන කාලයට බැඳි
සෝපහස එමට ඇත
ජීවිතේ කතාවක්
නොදන්නා තෙපි කුමට
අවැසි කල පියාණන්
මෙලොව හැර ගිය කලක
අනාගත ලොවක තතු
නොදැන අතරමං වූද
කාලයේ ඇවෑමට
අහිමි දෑ බොහෝ වේය
උපහාස අපාහස
කරන නුඹලා කිමද
නිසි කලක නිසි දෑ
ලබන්නට පින නොමැති
අඳුරු ලොව එළිය
වන්නට කලක් ගියා ඇති
කාල රේඛාව එකිනෙකට
වෙනස් බව නොදැන
කුමන නම් අරුමයක්
ගැටලු ඇති නුඹලාට
මිල මුදල් දේපළ සියල්
නොමැති නම් කුමට
වැටුප් දිරි දීමනා
සුළු වනා කලට නම්
නොහැක දුක් දෙන්න
තවත් ඒ ජීවිතයකට
මිනිසත් කමට ඇයිද
නිගා දෙන නුඹලා
සිප් සතර ලැබුමට වරම්
පමා විය පෙර වරදකින්
දැනුම වේය සැනසුම
සිතට ගතට දෙන නිරතුරුව
කලා කම් නොමැති වුව
කලා කම් ලබන්නට
වරම් ගෙන අදිටනින්
සැරිසරන මනෝ ලොව
පෙර සසර පුරුදු ඇත
තනිකමක් විඳින්නට
කුමට නම් සරදම්ද
අපහාසයන් නිමක් නැති
වසන්තය නිමා වන බව
දනිමි ගිම්හානයේ පාමුල
තනි ගමන සැප වේය
බඹ සරින් රකින්නට සදා
---රකිත---