~~ වරක් ~~

 

 

නිදි දෙව් දුව

නොමැති පැමිණෙන

තෙමා කඳුළු බිඳු

කන්වයිනය මතින

 

නුඹ නොමැත

සිටින අසලකට වී

අඳුරු රැය පහන්

නොවනු ඇත

 

සිත් පුරා සිටි වරක

නුඹම වූ දිනක

මැකී ගිය අපූරුව

තනිකමක් උරුම කර

 

මතක පෙළ

පමණක්ම ඉතිරි වී ඇති

කරන ආවර්ජනා

රැය පහන් යාමයේ

 

සියල්ලන් නුඹට

පෙම් බැඳි යාමයක

ඵලක් නැත නම්

නුඹද මට අහිමි විය

 

සමු දී අන් මගක

ගිය යුගයක නුඹද

නොවේ වූ තුමු

සහයෝගයක් ලැබුනු

 

ඔබම වූ කල

දිවි මගට අත්වැලක් සේ

නමුදු නැත

තේරුම් ගැනීමක් නුඹද

 

පෙම් බැන්ද මුත්

ඔබට මුළු හදින්

වරදක් වූවාද කිසිත්

නොපෙනෙන ලෙසින්

 

වරද කොතැනක ඇතිද

හැඳින්නේ නැති කලට

කුමක් නම් කරන්නද

පම වූ කල අපද

 

තවත් එක් වරක් අප

සොයා එමු ඒ ලොවද

එක් වරක් පැමිණෙන්න

ප්‍රේමයේ පහස විඳ

 

---රකිත---

 

~~ ගුරුතුමිය නොකී කව ~~

සිප් හලත් වැසී ඇත 
කලක් ගත වී ඇතිය
දූ පුතුන් නොදුටුවෙමි 
වසරකටත් වැඩි කලක්

මල් වැටුනු සාරි ටික 
පිළිවෙලින් අල්මාරියේ
ගුලි වෙලා පසෙකට වීලා 
නැහැලු ඇඳලා කලක්

අටවලා අත බනුව 
ආධාරක මතින් ඇද
මාර්ග ගත කරලාලු 
අධ්‍යාපනයත් දැනට

හුණු කූර කලු ලෑල්ලත්
අකැපයිලු නූතන ලොවට
නුහුරු හුරු තාක්ෂණ මතින්
දකිමි අද සිසු සිසුවියන් 

ගෙදරට වෙලා හිර වෙච්ච 
ලපටි මුහුණු පෙළ දකින
වරම් නැත එන්නට උන්ට 
තිරයක් මත පමණිය දැකුමට

මාර්ග ගතව අන්තර්ජාලයේ 
යෙදවුමින් දකිමින් මුහුණු
දරු දැරියන් එදවස පන්තියේ 
අද සිටියි ජංගම දුරකථනයේ

අතරින් පතර දකිමි අඩුවක් 
නැත ඇතැම් දරු දැරියන්ද
නැතිලු උන් හ‍ට එදා වේලවත් 
උරුම නැතිලු මාර්ග ගත උන්ට

පාඩම් කවි ගීත සාහිත සියල්
හඬ ගා කියමි සිප් සතරින් සියල්
එනමුදු නැත එදා මෙන් සියල්
දරුවනි පන්තියේ සිටි සියල්

දඟකාර කටකාර පුතුන් කැළ
හැඩකාර සුකුමාර දියණියන් පෙළ
පෙර දින පන්තියේ කළ කී දෑ
මතකයට නැගේ තනිව සිටිනා විටක

වසංගත මාරයා වෙන් කරද අප
සිප් සතරට පමා නොවෙමු අප
උගනිමු දිරියෙන් සිරව තිරයකට
දිනන්නට දුවේ පුතේ හෙට ලොව

---රකිත---

~~ නිමක් ! ~~

දිනක රැඳි මතකයක 

තතු රැගෙන තනිකඩව

කාලයද ගෙවී ඇති කල

විඳිමි ඒ මතක සුවබර

විටෙක වේදනා විටෙක සතුටක්

ගෙන දෙනා ඒ සොඳුරු මොහොතක්

මතකයක් පමණක් වූ විලස

අපූරුව ලොව වෙනස් වූ

නොනවතින ලොවක ඇති

ගලා යන ජීවිතය මැද

නිමක් නැති අභියෝග මැද

අවැසි නැත පෙර කල කෙරුම්

ලැබුනු කල වරම් සිතූ ඵල නැති

අහිමි වූ සඳ දැනේ කළ කම්

වරම් නැති කල නොමැත

ලැබෙන්නට දෙවන වරමක්

හුදකලාවක පහසක් විඳින්නට

ඇබ්බැහිය තනිකමට හැරෙමින්

සිටින්නට සුවයක් ලබා ගනිමින්

සිතත් ගතත් හැරෙනා කල් ඇති

කළ යුතු දෑ ඉතිරිව ඇත බොහෝ

කාලයක් නැත සිතන්නට විසූකයන්

නොලැබූ වරමකට නොව මුසුප්පුව

සිතට දිරි ගනිමි මෙවර නම්

අපට අප හිමි නොවනා යථා බව 

වටහා ගැනුමමයි නුවණැති කමත්

රැකුමට අවැසි දෑ කිරීමමයි සුදුසු

අනාගත ලොව වෙත යන්න

ගෙවී ගිය අතීතය තතු කුමට

නොලැබූ අනාගතයක් කුමට

දිවි ගෙවීමි වර්තමානය තුටින

ලොවට වැඩ ඇති ලෙසින් සිට 

නිමා නොවනා සසරක ඇති

නිමා නොවනා ලොවක ඇති

නිමා නොවනා වැඩක ඇති

නිමා නොවනා ගමනක ඇති

---රකිත---