~~ කෙදිනක හෝ බිරියට ~~

අරුණ මිහි මත වැටෙන 
ලොවක් නිදනා මොහොත
හිමිදිරියටත් පෙර ඇතිව 
විවර කර නෙතු පියන් ඇය

ඇරඹි ඇති නිවසක යුධය 
නිවා ගිනි ඒ සියල් ඇවිලූ
සනසමින් නිරතුරුව අප 
සිනහා වදනින් බිණුම් මැද

කිරට හඬනා දියණියක් 
සනසවා ළමැදේ හොවා
හානි හනික සැරසෙනා 
දිවි සටන ජයගැනුමටා

නුඹට මට අට පැයකි 
ගෙවන්නට ඇති වැඩට
ඇයට වැඩ මුර දෙකකි 
කරන්නට තුටින් සිට

වෙහෙසකර දින අගට 
නිවස පැමිණෙන මොහොත
නුඹ වුවන දුටු සඳක 
නිවේ දුක් සෝ සුසුම් පොද

හැකි ලෙසක සහය වෙමි 
නොවේ නුඹ මෙහෙකාරි
අපිට අපි නොවෙද අද 
සිටින්නේ දිවි තුරාවට

මරු කතර නිරුදකව 
ගමන් කළ කාලයක
කෙම්බිමක සෙනෙහසක් 
පිදූ නුඹ නාමයට

හිසින් නොව හදවතින් 
විශ්වාසයේ මහිමයෙන්
වී ඇතිය කදිම ලෙස 
ඉදින් නුඹ හමුවූ ලෙසේ

පමා වී පැමිණි කල 
වසන්තය ඵල බරය
කිමද අප තැවෙනු අද 
බියට පත් අවට ලොව

හරවමින් රුහිරයත් ක්ෂිරයට 
උසුලමින් පදවියක්  ලොව දිනූ
නොවේ වෙනසක් සෙනෙහසේ
නුඹ ලැබූ මා පිං කළ ලෙසේ

පෙර අහිමි වූ සියල් 
ලබමු අප එක්ව අද
අන් දනන් කියනා වදන් 
අවැසි නැත නුඹටත් මටත්

සසර මග හමුවන්න 
නිවන් දකිනා තුරුම
පතන්නෙමි නුඹ නිබඳ 
පාදපරිචාරිකා වන්න

---රකිත---

~~ නිහඬ සිතුවිලි ~~

පෙර භවක කළ කරුම 

පල දෙනා රඟ දකින

තෙවැනි නෙත දුටු පමණ 

පියවි නෙතු නොදකිනා

ඇද ඇතිව වුවන ඇති 

එක නෙතක් කුඩාවට

මුවද ඇද ඇතිව ඇති 

කොපුල් තල වක් වීද

කල අකල ගෙවී ගිය 

හිස කෙසත් සුදු වන්න

වුවන හැඩ නැති බවත් 

මතක පෙර පැවසූ දනන්

හිමිවනා දෑ නොව අහිමි වූ දෑ 

වැඩි වූ කල පමාවූ කරුමයට 

නොදුටු නොදැනි කළ දෑ මතින්

වන්දියක් ගෙවන්නට නිතර

පෙනුම නම් අවුලක් සේම 

නොසිටිනා තැනක සිට 

පවසනා උන් නිතර තුටු

සෝපහස සිනාවෙන් යුතුව 

රූමත් කඩවසම් කම ඇති 

පෙනෙන්නට නම් ලොවට

සිටිය යුතු නොවෙද එහි

එසේ නොවනා අයවලුන්ද

රිදෙන්නට පෙළෙන්නට 

සිතක් හුරු වෙලා ඇති

වෙමි ඇති පරිණතව 

නොවේ ඇති වේදනාවන්

හදවතින් තැවුල් ඇති මුදු 

බුද්ධියෙන් සිතන කළ

අවැසි නැත පෙනුම නම් 

හැකියාව පමණි ලොව

දිනෙන් දින ගෙවී යන 

ජීවිතයේ ගමන් මග

කුමට දුක් විඳින්නද 

නොලැබෙනා දෑ ඇතිව

පිං දහම් කරන්නෙමි 

සසර මතු දුක් නොලැබ

ගෙවා ජීවිතය අග 

නිවන් සුව ලැබ ගන්න 

---රකිත---

~~ කතාවක ~~

පහන් කණු ද්විත්වයක් 

රැගෙන දෙවරක්ම සිට

පෙනී ආ විභාගය කළද 

අහිමි ජිවිතයක හැඩය

ගෙවී ආ කාලයක 

අරුමැසිය පවසන්න 

වදන් ඉතිරිව නොමැත 

පසුතැවිලි සිත රැඳුනු 

මග නොමග ගිය යුගය 

නිසි මගක් සොයන්නට

කාලයා වූ රුදුරු ලෙස 

ගෙවී යන ලෙස පෙනුනු

ලබා අත්දැකීමක් 

නිසි වයස් පසු කරන්

සොයා ආ මිණි කැටය 

සිප් සතර නමින් කළ  

ධන බලය ස්ත්‍රී පුරුෂ 

වයස් ලෙස භේද නැති

සැමට එක ලෙස ලැබෙන 

සුදුසු කම් අනුව ඇති

පෙර අයට හිමි වුවද නිසි

අද මටත් හිමිවෙමින් ඇති

වසන්තය වූ පමා වී ලැබුනු 

උසස් සිප් සතර නමින් වූ

තවත් එක අදියරකි ඇති  

ඉලක්කය ජයගන්න ඇති

වසංගත කොරෝනාද ඇති 

නුඹත් මට බාධක දමන ඇති

තුරුණු විය අග රැඳුනු 

වසන්තය ඉතිරි වන

රැගෙන දිරි වෙර වඩා 

පෙර දිනක නොවූ ලෙස

මව්ද සොහොයුරන් දුටු 

ඒ සිහින සැබෑ කෙරුමට

දෙවිඳුනි ලෝක පාලන 

බලනු මැන දිවැසින් යොමා

ජය ගන්න අවසන් අදියරින් 

අධ්‍යාපන ඉලක්කය සපුරාම

හෙට දිනක තෙදවත්ව 

සුපහන් සිතින් හිනැහෙන්න 

---රකිත---