--- නිදි නැත අද රැය ---

නිදි නොමැති රාත්‍රිය

දිගු කලකි සුන්දරය

මිනිස් හඬ නොනැගෙන්න

නිශාචර හඬ ඇසෙන

නිසසලව ඇත කුටිය

තනිව සිටිනා රැයේ

උණුසුමක් දැනේ සොඳුරු

ගතට මෙන් සිතට

පෙර කලක මතකයන්

සිතට ඒ යලි යලිත්

විටෙක සුන්දර මතක

තව විටෙක අසුන්දරය

සියල්ලට හොරා දැනෙනා

තනිකමද පාලුවද

දැනේ හදවතට සොඳ

තනි යහන දකින කල

පිරිවරා තරු රැන

දිලෙයි සඳ නුබ ගැබේ

සඳ සිසිල ලත් පොළව

මවයි සුන්දර දසුන්

නිසංසල රාත්‍රියේ

නිසසරුන් සැරිසරයි

කවුළුවෙන් ලොව දකිමි

අඳුර මැද සොඳුරු ලෙස

විඩාපත් ගත සිත

සනසවාලන්න සැම දින

නිදි දෙව් දුව වැළඳ

දකින්නට සුන්දර සිහින

විසිහතර පැයක

පරිභ්‍රමණයක් නිමාවට

පැමිණ ඇත රාත්‍රිය

මුලු ලොවක් සනසන්න

සැරිසරයි සිත රැයේ

එක්තැන් නොවන කළ

ගෙත්තම් කරමි කවි පදද

දුවන සිත අද්දරට

කිමද අද නොදැනෙන්න

නිදි සුවය මේ ලෙසට

තනි වන්න ඉඩදෙන්න

නෙතු පියා සිහිනයට

තනි යහනක

තනි වන්නෙමි අද රැය

පොත පත සයිබර්

අවකාශය ඇත තනි රැකුමට

දැනුම විනෝදය ඇත

මදි නොකියන තුරු

ගෙවමි රැයක් නිදි නැති

පැතුම් ගොඩක් මත

බලා සිටිමි මම

සඳ බැස යන තුරු

බලා සිටිමි මම

අරුණ වැටෙන තුරු

බලා සිටිමි මම

කුමාරියක් ගෙනෙන තුරු

බලා සිටිමි මම

තනිකම නැති වන තුරු

---රකිත---

??? කුමක් ???

හිස පිරිමදින සඳ

ඇඟිලි තුඩු මත

රැඳෙන විට

හිසෙන් ගිලිහි

වැටෙන

කෙස් රොද

මෙන්ම

නර කෙස

දින දිනම

කැඩපතින්

දකින සඳ

මුහුණු තහඩුව

තුරුණු නොම වන

එනමුදු පරිණත

වෙමින් යන

ඇසෙන සඳ

තුමු කට හඬද

සුපුරුදු

නොමැත එහි

පෙර මුදු බවක්

අද ගොරැහැඩිව

ඇත අමිහිරිව

අද

දෑස පෙනේ

සවනත

වැකේ හඬ

තුරුණු ලෙස

පෙර පිනකටම

සතිය ඇත වෙර

වීරියද ඇත

තව කලක් දිවි

ගෙවුමකට එම

සිතින් විඳවමි

නිසි කලට නිසි

දෙය නොකළ සඳ

පමා වී ඇතිව

කුමක් නම් කරම්

අද පසුතැවෙනු

මිස අන්

කිසිවකට

පතමි දිවි මග

නිම වන්න

හැකි වේගයෙන්

නික්ම ගොස්

නැවත ඉපදී

කළ වැරදි

නිවැරදි

කෙරුමට තුටින්

මෙලෙස

---රකිත---

ලෙඩ නිවාඩුව ?

නොහැකි සඳ

නවතන්න

නාස් පුඩු තුළින්

ගලන

සොටු දියරයද

රිදුම් දෙන

උගුරු දඬු තුළ

බැඳී ඇති සෙයකි

කිසිවක්

බොල්ව ගොස් ඇත

කට හඬද

මෙලෙසින්

පෙනහළු ඇතුලතින්

එන කැස්ස කිවිසුම්

නිමා නැති

කෙසේ නම්

නවතම්ද

අත් ලේන්සුවක

සිර කර

සුව වන්න අවැසි වේ

දින කිහිපයක්

සොඳින

කුමක් නම්

කරන්නද

ගැනීමට නොහැකි

සඳ නිවාඩුව

මතක් වෙන කළ

ගොඩ ගැසෙන

වැඩ කන්ද

මුවා කර

හෙම්බිරිස්සාව

පෙති කරල් දියර

බෙහෙතින්

සූදානමින් සිටිමි

හෙට දිනට

වාර්තා

කෙරුමට

සේවයට

---රකිත---

ප. ලි 

කන්තෝරුවේ වෙනත් අයවලුන්ට හෙම්බිරිස්සාව බෝවීම පිළිබඳ අවදානම හෝ එහි වගකීම භාර නොගන්නා බව ප්‍රකාශ කිරීමට කැමැත්තෙමි.

ඇගේ ? නිහඬ ? බව ?

කෙසේ නම්

ඉවසම්ද

නිහඬ බව

මේ ලෙසින්

දැනේ තනිකමද

පාළුව

නොසෑහෙන

තරමටම

පවසන්න

මුදු වදන්

පෙර

ලෙසින්

අද

අමතක

කර දමමින්

යට ගිය

කලක සිතුවම්

ඇල්පෙනෙති

බිම වැටෙන

මල් රේණු

බිම සිපින

හමන මද

පවනෙ නද

හද ගැහෙන

රාවයද

ඇසෙන ලෙස

නිහඬ බව

නොහැකිය

තව දුරට

දරන්නට

මේ ලෙසින්

පවසනු මැනවි

සොඳුරියේ

එක් වදනක්

මුදු ලෙසින් හෝ

රළු ලෙසින්

සවනත

වැකෙන්නට

සැනසුමක්

ගෙන දෙන්න

---රකිත---

සොඳුරු නිමේෂය

උස් අසුන් ඇති 
බසය තුළ නුඹ 
ලඟින් අසුන් ගෙන 
ගමන් යන කල 
නොදැනුවත්වම 
ස්පර්ශ වුනු සඳ
මගේ අතැඟිලි හා 
ඔබේ අතැඟිලි 
රිය සක මහ මග 
කඩතොළු සිපින කල  
අහම්බෙන් වුනු  
ස්පර්ශය ඔබේ 
දණහිස මගේ දණහිස 
එකට සහ මුලු 
පාදයම එක් සැණින් 
හිරි වැටි ගිය 
ගතද මුලු සිතම 
සොඳුරු ලෙස 
එක් ක්ෂණයෙන් 
නෙතු ගැටුනි 
මාගේත් ඇයගේත්
මද සිනාවෙන් 
පිරුණු වත හා 
කතා කරන දෙනෙතින් 
එක් මොහොතකට 
පමණක් 

---රකිත---  

අවසන් තීරණයද ?

තනිකමක සොඳුරු බව

වර නගයි කලාවෙන්

ගෙත්තමින් කවි පදය

ඇතැමුන් මිහිරි ලෙස

කිමද නොදැනෙන්න

ඒ සොඳුරු බව තනිකමක

කාරණය කිව මැනවි

නොකර සරදම් මෙලෙස

පිළිගනිමි තැත් කළ බවට

ලබන්නට ප්‍රේමයක්

එක් වරක් දෙවරක් නොවය

තුන් වරකටත් වැඩිව

උත්සාහය සෑම විට

ගඟට ඉනි කැපූ සේම විය

වරද කොතැනද කියා

නොතේරේ මෙමට නම්

තරගයට එක්ව ගොස්

සටනට ගියෙමි වීරියෙන්

තරගයද යුද බිමද

පරාජය දකින්නෙමි

හැකියාව කාලයද

පවතින කලක මේ ලෙසින්

පසුබසිමි ඉවතට යමින්

මේ සොඳුරු තරගයෙන්

දනිමි ගෙවෙන බව සොඳුරු

වසත් කාලය මෙලෙස

ප්‍රමාදව සිටින බව දනිමි

සහසුදක් සේ නිබඳ

කාරණය එය වුවද

විසඳුමක් නම් නොමැත

කෙරුමට නම් ඉතිරිව ඇත

ගැනීමට දැඩි තීරණයක්

කරුමයට ඉඩ දෙමින්

නිවා ගනිමින් වෙහෙස

සිටින්නම් සුදානමින් නිබඳ

එළඹෙනා ගිම්හානයට

පිළිගනිමි පරාජය නොලැබීම

පහන් සිතින් නිරතුරුව

අවසරයි ගෙවන්නට

දිවි ගමන තනිකඩව

---රකිත---

වැසි දිනක සිතුවිල්ලක්

නීල නුබ ගැබ

වසාලන සඳ

එකතු වී කළු

වළාවන් එහි

සිසිල දෙන

මද පවන

මැද අද

ගලා එයි

වැහි බිරුමද

සොඳුරුව

වෙන්ව ඇවිදින්

වළාවෙන් සඳ

නුබ ගැබින් මහ

පොළව සිපිනට

කිමද ගුගුරනු

අහස මෙලෙසට

සිසිල දෙන නුඹ

වාතලය විනිවද

පැමිණි සඳ

සැනසුමක් දීමට

හිසට වැටි සඳ දිය

බිඳක් වැසි

ගලා එන කල

කේශ තෙල සහ

දහදියද මුසුවට

පෙරී ආ ඒ දිය

බින්දු අද

දෙතොල් මත

රැඳී දැනුණි

ජිවන රසය සුපුරුදු

ගත සිපින

වැසි දියද තෙමන

කල සියොලඟම

පෙඟුණු කමිසයට

වැදි විලවුන් සුවඳ

දහදිය ගන්ධ

එක්ව නාසයට

දැනුණි ජිවන

සුවඳ අද

චණ්ඩ හිරු රැස වැටී

මිලිනව ගිය තුරු ලතා

යලි පන ලබන්නට

ඉරි තලා ගිනියම්ව

ඇති මිහිතලය

සනසන්න සිත් ඇති

වැසි වැටෙනු

මැන සතර අතටම

නිවී සනසන්න

මුලු ලොවක් අද දින

---රකිත---

වැලන්ටයින් සැමරුම ?

යන විට පයින්

නැති කල කොයින් ( Coin )

කොහොමද ඉතින්

සමරන්නේ වැලන්ටයින්

දකිනෙමි සිහිනෙන්

සමරන වැලන්ටයින්

ඇහැරෙන කල උදෙන්

යමි වැඩට නැවත පයින්

දෙසතියකට පසුවැයින්

හිස් වේ පසුම්බිය මුදලින්

පඩිය එන තුරු සොඳින්

කාලය ගත කරනු කෙලෙසින්

හැරී බැලුවද සිනහවෙන්

ඔරවා යන කල නෙතින්

වරක් බලා නැවත නොබලමින්

කෙසේ සොයම්ද කෙල්ලන්

පැඟිරි හොඳ වයස ගෙවමින්

වැඩට මගට උසස් අධ්‍යාපන ඉතින්

කල් ගතව සොයන කළ කෙල්ලෙන්

කැමති වෙද උන් මටද මෙලෙසින්

කාල වර්ණ හිස කෙස්ද සුදු වෙමින්

ශ්වේත වර්ණ මුවද මිලිනව යමින්

ධනය බලය නොමතිවන සඳින්

කෙසේ නම් සමරම්ද මම වැලන්ටයින්

---රකිත---

පසුකිරීම

හමන මද නල

සමග පාවී

වරෙක නුබ ගැබ

වරෙක මිහිකත

වෙතට ලංවී මුත්

මිහිකතද නුබ ගැබද

වෙත නොහැකි වූ

කළ රැඳෙන්නට

සිපගන්නට

වැළඳගන්නට

පසුකර යමින්

සොඳුරු තැන්

වසන්තයේ

අවසන්ව

දිරා යන්නට

සැරසෙන

ගිම්හානයේ

ගිලිහුණු තුරු පතක

ගමන දුටිමි

මද සිනා පාමින්

සුහදව

ඉදිරියට පැමිණි

මිතුරියන් හා

නෙතට රස දසුනක්

සවනට මිහිරක්

වියමන් කරන

ඔබ සොඳුරු

පසුකරමින් ඉදිරියට

ඇදුනු සඳ

සන්නාලි යුවතියේ

---රකිත---