මමද නුඹ ගැන සිතුවෙමි
පසුපසින් පැමිණියෙමිනුඹ පැවසූ සකල දෑ
ඉටු කළෙමි හැකි පමණ
ඉනික්බිති නුඹට මා
මෙවලමක් පමණ වූ කල
කිමද මා තවත් නුඹ
වෙතට ආශාක්ත වන්නට
පෙර භවක හමුවූ
පුරුදු ගති ඇති නොවෙද
ආලයද ලැබි නොවේ
නම් ණයක් වූවාද
වදන් කියනා දමන
ලොකු කම් සිතද රිදවනා
තවම මා නුඹ ගැනම
සිහින මවමින් සිටියි
බොහෝ අය කියන විට නො
ගැලපෙන බව නුඹත්
දෙසවන් යොමු නොකළෙමි
ඒ වදන් වෙතට මම
දැන් දැන්ව වැටහේවි
ඒ පැවසූ කරුණු පෙළ මටත්
තීරණය ගනිමි මා
නුදුරේම නව ගමනකට
ධන බලය රූ සපුව
නොමැති වුව අන් අය මෙන්
ඒ කිසිඳු දෑ නුඹට
නොතිබුනා නොවෙද
කල්පිතය බිඳ හෙළා
යථාර්ථය වෙතට පිවිසෙමින්
තවත් මා නොඑන්නෙමි
නුඹේ අත පතාගෙන
දහස් ගණනින් ඇති
දනන් අතර ඇති හිමිකාරි
සොයා යමි මින් මතුව
නුඹේ දෙස නොබලාම
කී කළ දෑ නුඹ වෙනුවෙන්
සිතමි ණය ගෙවූ ලෙස
නික්මෙන්න අවසරයි
නුඹ වෙතින් නව ලොවට
--- රකිත ---
