මුවහත් තලයට හසුවී එකතුව
කැපී වැටෙන කෙස් කැබලිව
කළු පැහැ කෙස අතර ඇතිව
ඇති සුදට නර කෙස් කැබලිව
මෝස්තරය දමා කලට යසට
හැඩ ගැන්වූ කොණ්ඩේ සොඳට
සුදු නරකෙස පෙනෙනා කලට
කුමටද හැඩ නම් අතරින් පතරට
ඇති කැඩපත වෙතින් දකින
තුරුණු මුහුණ ඇදටම එන
තුරුණු ගතිය නැතිව යන්න
පරිණත බව පෙනේ නොපෙන
කර කර ගානා හඬට සොඳින්
රැවුල කැපෙන කලට ඉතින්
පෙනුමෙ වෙනස හොඳින් දුටින්
ගෙවෙන තුරුණු බවට නිතින්
ජවය පිරුණු මිහිරැති හඬ පෙරදා
ගොරෝසුය කටුකය වත්මනටද
පෙර සුසිනිඳු සමද නැතිවද අද
පරිණතවද පිරුණු වතද වියැකිද
උසටම හැඩවෙන මහතට සිටි කල
වෙනස්ව ඇත දැන් හැඩ නැති කල
සිරුරු හැඩය වෙනසට එන කල
කුමන අරුම ගෙවෙන තුරුණු කල
සිහින ලොවක් මවන සිතින
දැනෙයි සැබෑ යථා බවද නිතින
සොඳුරු සිතුම් පෙර සේ නොඑනා
අරුමයක්ය තුමුද වයසට යන්නා
වියැකෙන කඩවසමද දනිමි සොඳින්
වියැකෙන හැකියාවද දනිමි සොඳින්
වියැකෙන රුදු කාලයද දනිමි සොඳින්
වියැකෙන දිවි ගමනද දනිමි සොඳින්
කෙටි දිවියක අරුමය කටුකය නිතිනේ
දැනගැනුමද රුදුරුය අමිහිරි නිතිනේ
දිවිගමනේ අවසානය දුකමය නිතිනේ
කරුමයක්ය දිවියම ඵල දෙන නිතිනේ
---රකිත---