පළමු ජය ලැබු දිනක
අහඹු ලෙස දුටිමි ඔබ
පැමිණ හඬ අවදි කළ
පුංචි නැගණිය නුඹය
සොඳුරු සරසවි බිමේ
නුඹ දුටිමි මද හස පෑව
පවසන්නට වදනක්ම
බලා සිටිනෙමි තුටින්
කරමින් කෙළි කවටකම්
පාමින් මුදු සුපහන් සිනා
සොඳුරු මිතුරියක් විය
කටකාර හැඩකාර පිරි
ඇසූ තතු විත්ති මතින්
හදාරන එකම විෂයය
ඉහළ පහළ වසරවල
එකම පීඨයේ සිටම
සොඳුරු මුදු වදනටම
දඟකාර නම් විලසටම
පරිණත තුරුණු සිතම
ඇදේ ඔබ වෙතටමද
නමුදු දැනගතිමි පසුව
බාල බව දස වසරකින්
පුදන්නට සිතුනු හදවත
සඟවමි නුඹෙන් අද දින
නිසි කල නිසි මග යන්නට
නිසි කල නිසි දෑ කෙරුමට
ප්‍රමාදය නම් විය මෙමා හට
වසරකින් නොව දශකයට
දුරින් සිට බලන්නෙමි සොඳින්
නුඹේ දඟකාරකම් කවටකම්
වරම් නැත එක්ව දිවි ගෙවුමට
පුංචි කෙල්ලේ නුඹ ලඟට වී
නැගුමට දිවි ගමන් හිනි පෙළ
පතමි සුභ පැතුමන් හදින් අද
පුංචි යෙහෙළිය සොහොයුරිය
ලෙසක සිතිනෙමි මින් මතුව
පතන්නෙමි මතු භවයක ඉපද
සිත් ගත් කුමරිය සේ දකින්නට
බැඳෙන්නට සොඳුරු ආදරෙන්
නුඹ මගේ වන්නට නැගණියේ
---රකිත---
