මොහොතකට නැවතිලා
වේගවත් වූ ලොවක
අහඹු ලෙස දුටු සඳක් පායා
ඇතිද අඳුරු වූ ගුවන වෙත
නොනවතින තරගයක
හති වැටී ධාවනය නවතා
සිතන්නට හැකි විය මදක්
වුවන දෙස බලා මොහොතක්
දකිනා ලොවත් මනරම්
දකිනා සිහිනයන්ද මනරම්
සොයනා දිවියද මනරම්
හමුවූ නුඹද වූ කලක මනරම්
සිතා ඇරඹුමට අලුත් ගමනක්
පැතූ පැතුමන් පොඩි බැඳන් සිට
නොවේ විමසූ නුඹේ සිතුවිලි
තිබූ වෙනතක් බලා යන කල
වරම් නැත නවතා ලන්නට
නුඹ යනෙන ගමනක් මටත්
නුඹේ සිත සොරා ගෙන ඇතිද
කුමරෙකු පැමිණි වෙනතක සිට
කල් ගතව සියල්ලට
පමා වැඩි බව දැනෙනා ලෙසට
බැට කමින් කාලයෙන්
පරාජය විඳිමින් දැඩි ලෙසින්
ඉඩ හරිමි හැර යන්න නුඹට
පතනා ලොවක් ඔබ දකින
සදා තනි වෙමින් දිවි ගමනක
සොයා වෙනතක් තවත්
අහිමි කම පමණ හිමි වන යුගයටත්
කුමන අරුමද කරුම නොවෙනස්
ඉතින් කුමකට වෛරයක් ඇයටත්
අපට අප හිමි නොවනා කලකටත්
නැවතුනත් දිනක නුඹත් මමත්
නවතීවිද ලොවක් අප සමග
අප පසුකරන් සියල්ලන් යන කලට
කුමන නැවතුම්ද නුඹටත් මටත්
හමුවේවි දිනක් නුඹත් මම
නොදන්නා අයවලුන් ලෙස
සිනාසී යමු මදක් එදිනටත්
කතා බස් කරමින් නැවත
---රකිත---