දිනක් සතලිස් පුරා වතාවත්
සැරසි අලංකෘතව ඇඟලුම්
පැමිණි දෙව් බැතියෙන් පුදන්නට
උත්ථානය සැමරුමට සතුටින්
යාඥා ගීතිකා සරයෙන් ඉමිහිරිව
පුද දෙමින් දෙවිඳුන් වෙතට මිනිසුන්
දෙව් පුතුන් ලද නැවත ඉපදුම
සිත් සතන් සනසවන ජන හද
ප්රේමයෙන් බැතියෙන් පුද දෙමින්
සිටින බැතිමත් පිරිස් අතරින්
සිත් අඳව ඇති හදවත් නොමැති වූ
මිසදෙටුව ඇති කෙනෙකු ආ කල
පිළිවෙතින් සැදැහින් දෙව් පුතුන් ඇදහූ
උන් අතර වෙත පැමිණි බියකරු
මිනිස් කම් නැති අධම තිරිසන් බඳුව
තෙමාලන බිම රුධිර පිදුමෙන්
පුපුරවා හල රුදුරු බෝම්බය රැඳි
දෙව් නිවස කළ ඝාතකාගාරය
ලෙයද මස සුන්බුන් සිරුරු මැද
දුටිමි ඇතැමුන් ඉව කරන මිනිස් කම
කිතුනු බැතිමත් අගය කළ දින
පාස්කුව ලේ විලක් කළ උන්
සිනාසෙන විට සැඟවී ලොවට උන්
ශාපයන් නැති ප්රේමයද යැදි කිතුනුවන්
අහිමි මව්පිය දරුවන් තැන තැනය
දූ පුතුන් අහිමිව ඇති මව්පියන් ඇති
එකම පවුලේ සියලු දෙන අහිමි වී ඇති
දනන් දිටිමිය දස වසරකට පසු
එක් පොළක නොව අට පොළක පිපුරුම්
සොයා කළ වුන් යන රණ විරුවන් රට වටා
සිනා කලඳක් නොමැත බෙහෙතට
කඳුළු පමණකි දිවයින පුරා විසිරෙන
සැනසුමක් නැත බිය ඇතිය හැම තැන
සලිත වේ බිය ඇති පුවත් සවනට ඇසෙන
යනෙන ගමනත් සේවයත් නුහුරට
දිවිය අද ගෙන ඇති උන් පාලනයකට
භාර ගනු මැන දිවි පිදූ මිනිසුන්
ස්වර්ගයේ වැඩ සිටින දෙවිඳුනි
හෙලෙනු මැන අපායට නිසි ලෙස
ලෙයින් තෙත් කළ උන් පාස්කුව
--- රකිත ---