Sunday, October 28, 2018
~~ වැසි සුවයක් ~~
වසා පියන් පත්
කවුළු දොර
යොමා නෙත
තිරය අතරින්
බලන්නට වැසි
වැටෙන හැඩ
සිසිල් සුව
විඳිනා මොහොතකට
පිය මනිමින්
හඬ නොනැගෙන්න
පා ඇඟිලි තුඩු තබා
ගෙබිම මතුපිට
කිති කවා නුඹ
සිහිනිඟ ස්පර්ශයෙන්
මදක් ගන්වා
කෝපය මුසු ආලයෙන්
කරවා කෙහෙරැලි
පසෙකට අතින්
උණුසුම් සුසුමින්
පුරවා කන් පෙති
තබා හිස උර මත
හොවා මුව
සුරත් දෙපසින්
ඉඟ සුඟ වටා එති
කෝණයට මුව පිහිටි
පා තබා හැරෙමින්
නෙතින් නෙත්
මුවින් මුව මුණ ගැසී
වෙලෙන ලතාවන්
රුක් වටා සේ ඇති
ඉමිහිරි හැගුමන්
දනවා ගත පුරාවට
දුහුල් වළා සළු
අතරින් විහිදී
පෙනේ රන් කුඹු
වටොර ඉඟ සුඟ
ඇත් දළ පැහැ
රූ ඇති අගනා
යදම් බිඳින බැඳි
හැඟුමන් පරදා
විදුලි අකුණු හෙණ හඬ
පරයා නැගි
සුසුම් හඬින් උණුසුම්
සිසිලස් වන
රැළි පිට රැළි නැගි
ආශා නුරාවෙන්
තෙමා ගත රන් වැසි
වසා පුරාවට
සිනා පිරි මුව පෙනේ
කොපුල් තොල් රත් වූ
තුරුල් වේ වැසි
බීරුම් තවම ඇති
නිමා වූ කුණාටු
සුළි සුළං අතරින්
පෙනේ අප තැනූ
ලොව සිහිනයෙන්
මල් වැස්ස ඇද හැලෙන
පැමිණි අද වසන්තය
විඳිමු අප සුවෙන් සිට
එදා දුක් විඳි ලොවට
සිසිලසින් පිපෙන්නට
හිරිගඩු ගතට
පූදින්න වෙර දරණ
මල් කැකුළු දකින්නට
---රකිත---
Wednesday, October 17, 2018
~~ නයනා.........ට ~~
හෝඩියේ පන්තියේ - එක මේසේ අකුරු කළ
එකට දෙකට තුන හතරට - පහ වසරට ඇවිදින්
පහේ කඩඉමත් පැනලා - නුඹත් ගියා සිදාදියට
හය වසරක තනි වීලා - තනා වෙනම ලොවක් මටද
එකට දෙකට තුන හතරට - පහ වසරට ඇවිදින්
පහේ කඩඉමත් පැනලා - නුඹත් ගියා සිදාදියට
හය වසරක තනි වීලා - තනා වෙනම ලොවක් මටද
හයෙන් හතට එයින් අටට - නමයෙන් දහයෙන්
එකොළහ වසරට ඇවිදින් - ළමා මනස තුරුණු වෙලා
හැඟුමන් දැනුමන් අද්දර - ඉඳ හිට සිහි වුනා තමයි
නුඹත් ඉතින් සිත් අහසට - පරණ මතක ඉතිරිව ඇති
එකොළහ වසරට ඇවිදින් - ළමා මනස තුරුණු වෙලා
හැඟුමන් දැනුමන් අද්දර - ඉඳ හිට සිහි වුනා තමයි
නුඹත් ඉතින් සිත් අහසට - පරණ මතක ඉතිරිව ඇති
වැඩ හතරයි සම්මානයි - සමත් වෙලා සා.පෙ ඉතින්
කන වකුණා වැඩ දහයම - සමත් වෙලා නුඹ ඉහළට
වසර දෙකේ උසස් පෙළින් - වැඩ දෙක තුනක් මටත්
නුඹත් ගියා සරසවියට - වැඩ තුන විශිෂ්ට සම්මාන ලබා
කන වකුණා වැඩ දහයම - සමත් වෙලා නුඹ ඉහළට
වසර දෙකේ උසස් පෙළින් - වැඩ දෙක තුනක් මටත්
නුඹත් ගියා සරසවියට - වැඩ තුන විශිෂ්ට සම්මාන ලබා
ලෝකය දකිමින් දුටු නැති - සිතක් ගියා අයාලයේ
මග පෙන්නුම් ඔවදන් - ඉවත දමා දෙමාපියන්
කල් ගත වී පෑදෙන මොළයක - රඟ දැනුණා සැබෑවටම
විසිපස් වසකුත් ගතවී - රැකියාවක යෙදෙන කලට
මග පෙන්නුම් ඔවදන් - ඉවත දමා දෙමාපියන්
කල් ගත වී පෑදෙන මොළයක - රඟ දැනුණා සැබෑවටම
විසිපස් වසකුත් ගතවී - රැකියාවක යෙදෙන කලට
උගතුන් වියතුන් අතරක - තනිවී නූගත් විලසක
පමා වෙලා ඉගෙනුම අරඹා - තිස් වසරක වයසට
සරදම් කියමන් අතරක - ඇනුම් බැණුම් සහ එරවුම්
සරසවි යන ඉරු දිනකදි දුටුවා - හුරු රුවක් නෙතට
පමා වෙලා ඉගෙනුම අරඹා - තිස් වසරක වයසට
සරදම් කියමන් අතරක - ඇනුම් බැණුම් සහ එරවුම්
සරසවි යන ඉරු දිනකදි දුටුවා - හුරු රුවක් නෙතට
සැප රියක ඉදිරි අසුන - අරගෙන ඈ එහි සිටියා
පැදවූ රිය පිරිමි දෑත - පමණකි රන් මුදු දිලිසෙන
පිටු පස අසුනක - දරුවෙකු සහ බිලිඳියක සිටින
දුටුවා රථ කවුළු තුළින් - පෙර කල හමුවූ ඒ රුව
පැදවූ රිය පිරිමි දෑත - පමණකි රන් මුදු දිලිසෙන
පිටු පස අසුනක - දරුවෙකු සහ බිලිඳියක සිටින
දුටුවා රථ කවුළු තුළින් - පෙර කල හමුවූ ඒ රුව
ගතින් නෙතින් සිතින් - නොවේ ලොවෙන්
වෙන්වී ඇති ඔබත් මමත් - නොවී ඔහුත් හා සමගින්
හෝඩියේ පන්තියේ අයනු - ආයනු කීමට පමා වැඩිය
හිමි නැති මට ඒ ලොව ඔබ - ජයගෙන ඇති බවද දුටිමි
වෙන්වී ඇති ඔබත් මමත් - නොවී ඔහුත් හා සමගින්
හෝඩියේ පන්තියේ අයනු - ආයනු කීමට පමා වැඩිය
හිමි නැති මට ඒ ලොව ඔබ - ජයගෙන ඇති බවද දුටිමි
සල්මල් තවමත් වේ විකසිත - තුරු මුල තනි වී ඔබ හා
එකල නෙලූ දැනුමැති මල් -නෙලා ගනිමි පමාවෙලා
අර බලන්න අර සල්මල් - ලස්සනයි එය සැමදා
නෙලමි මලක් පමා වෙලා - නයනා මා වෙමි අමර
එකල නෙලූ දැනුමැති මල් -නෙලා ගනිමි පමාවෙලා
අර බලන්න අර සල්මල් - ලස්සනයි එය සැමදා
නෙලමි මලක් පමා වෙලා - නයනා මා වෙමි අමර
---රකිත---
Monday, October 15, 2018
~~ ඉංජිනේරු / සුපරීක්ෂිකා ~~
නිමිත්ත - නව කැලණි පාලම් වැඩ බිම වෙත යන, උදෑසන දුටු ඇයට
සිර කර කෙහෙරැලි දිග
ගල් හිස් වැසුමෙන්
සියුමැලි පා යුග වසවා
රක්ෂිත පාවහනින්
ගල් හිස් වැසුමෙන්
සියුමැලි පා යුග වසවා
රක්ෂිත පාවහනින්
නාරි දේහ ගත සඟවා
රළු නිල් වස්ත්රයකින්
පීත වර්ණ කබා හැඳි එන
නුඹ වේද කවුරුන්
ඡවි වර්ණය වත
රිවි කිරණ වෙනස් කළ
අත් වැසුමන් රැඳි
දෑත් යුගල ඇති
රිවි කිරණ වෙනස් කළ
අත් වැසුමන් රැඳි
දෑත් යුගල ඇති
ශ්වේත දසන් මුව
මතුවන හසරැලි
හිමිදිරි වැටි රැඳි
පිණි බිංදු ලෙස මත
ඉක්මන් ගමනට
දිගු පියවර තබනා
නාරිලතා ගමනක
නොව ඇය යන්නා
දිගු පියවර තබනා
නාරිලතා ගමනක
නොව ඇය යන්නා
හුස්මට විලවුන්
ගන්ධය නොහඳුනනා
දහදිය පුසුඹින්
මිනිසුන් හඳුනන්නා
තිත් ඉරි කඩ ඉරි රේඛා
මිතික කෝණයෙන්
ගණන් මිනුම් පරිමාණය
අරය දිග පළල උසින්
මිතික කෝණයෙන්
ගණන් මිනුම් පරිමාණය
අරය දිග පළල උසින්
ද්විමාන ත්රිමාන කරමින්
සැබෑවක් පොළවෙන්
නුඹ දකින සිහිනයක්
තිබේද පවසනු මැනවින්
අව් වැසි සුළං
නොම වේ බාධක
ගොඩනැගුමට රට
රන් දෑතින්
නොම වේ බාධක
ගොඩනැගුමට රට
රන් දෑතින්
උරුම නොවූ
මට සිලිටි ජීවිතය
ලඳකි නුඹ
මා සිත් වශී කළ
හෙට දින උරුම
පරපුරක් නූපන්
කැප කරන නුඹ
සොඳුරු දිවියෙන්
පරපුරක් නූපන්
කැප කරන නුඹ
සොඳුරු දිවියෙන්
අත්වැලක් වන්න
නුඹට සවියෙන්
නිසඳැස ගෙතිමි
නුඹ නාමයෙන්
---රකිත---
Tuesday, October 9, 2018
~~ සොඳුරු ආඛ්යානය ~~
කාලය හා අවකාශය තුළින්
බැඳි හේතුව හා ඵලය
සැබෑ ලොවින් එපිටට රැගත්
සුරඟනක් වී කතාවක්
බැඳි හේතුව හා ඵලය
සැබෑ ලොවින් එපිටට රැගත්
සුරඟනක් වී කතාවක්
පැවසූ කල ක්රියාවෙන් සිදුවීම්
සොඳුරු චරිතයෙන්
හඳුන්වා දී යාන්ත්රික ලොවක
යාන්ත්රණය වූ කල්හි
හඳුන්වා දී යාන්ත්රික ලොවක
යාන්ත්රණය වූ කල්හි
නොවූ අනුමානිත නොකළ
උපකල්පනය වූවක්
සුපැහැදිලි දෘශ්යමානිත කෙරූ
උපකල්පනය වූවක්
සුපැහැදිලි දෘශ්යමානිත කෙරූ
පසුබිම හමුවූ රංගයක්
අහඹු ලෙස නොවේ සැලසුම්
නොකළ පැවසූ වදන
කාලයා මුසු කරන ගලා යන
අතීතයේ අනාගතයක
කාලයා මුසු කරන ගලා යන
අතීතයේ අනාගතයක
අනුපිළිවෙල නොමැති
තාවකාලික සිතිවිලි දහර
හැඳින සමතුලිත වී ගැටුම්
ඇරඹුමක සූදානමින්
තාවකාලික සිතිවිලි දහර
හැඳින සමතුලිත වී ගැටුම්
ඇරඹුමක සූදානමින්
ගොඩනැගුනු දුෂ්කර ලොවේ
බිඳවැටී අරගලය
නිරාකරණය කෙරෙනු
අවසානයක සන්ධි ගලපා
නිරාකරණය කෙරෙනු
අවසානයක සන්ධි ගලපා
සංඛ්යාතය පිහිටි තාවකාලික
එක පිටට එක
විටෙක සිමා සහිත වූ
වරෙක සර්වඥ වන
එක පිටට එක
විටෙක සිමා සහිත වූ
වරෙක සර්වඥ වන
සජීවී වූ පිටපතක
කුතුහලය විශ්මයක් වූ
සංශ වූ ජීවිතය සඟවමින්
අවසාන දසුනකින්
සංශ වූ ජීවිතය සඟවමින්
අවසාන දසුනකින්
තාලයේ වෙනස
මන්ද්ර නම් උච්ච වූ
මන්ද්ර නම් උච්ච වූ
අනුක්රමය අතරකින්
නිසි කල නිසි තැන සිදුව
රංගනය කළ මතකයක්
අත්දැකීම් එකතු වූ
වහල් වූ මනස සටනක ඔබත්
මුළු ලොවක් හා
වහල් වූ මනස සටනක ඔබත්
මුළු ලොවක් හා
දුෂ්ටකම් වීරකම්
සුපිරි බලැති උන් ඇතිද
සහය දුන් අයවලුන්
විජ්ජාවක් නොවේ නම්
සුපිරි බලැති උන් ඇතිද
සහය දුන් අයවලුන්
විජ්ජාවක් නොවේ නම්
කුමරියක අත ගැනුම
පාලක පියා පැරදුමට
ජය ලබන කල නැවත
ලඟා වූ යථාර්තය වෙතට
ජය ලබන කල නැවත
ලඟා වූ යථාර්තය වෙතට
---රකිත---
Monday, October 1, 2018
~~ අවසාන // නව ඇරඹුමක් ~~
විසිතුන් වසක අභිමන්
විඳි රටක සවිමත්
රැකවරණ ලැබුමට
ජනතාව රැකුමට
දින්නට නව ලොව
අනාගතයක පැහැබර
පැතුම් පිරි හදවතින්
සිටි කලක මතකයන්
සෙනේ බර මිතුදමින්
සහෝදර ප්රේමයෙන්
දෙවන පවුලක එකතුවක
දිනපතා පැය අටක
රාජකාරි වගකීම් රිදුම්
බිණුමන් මාධ්යයක
නොසැලී සිටි අයුරු
සිහි වේය නිරන්තර
වැඩිම ඉල්ලුමට
යහපත් වූ වෙළඳපළකට
විකිණී යනු ඇතිය
නොදන්නා ලෙසක අප
අවසානයේ සවනත
රැඳුනු පණිවුඩයක මහිම
තුටු නොවේ වූ දුකට
සඟවලා කඳුළු කැට
මහ ගෙදර එක පවුල
එක්ව සිටි සැමදා නිබඳ
වෙන් කළා දෙකට
එක අත්සනින් විකිණිලා
එක් බිමක වෙන්ව සිට
කෙරුමකට කාරියන්
නාමයක ඉතිරියක් පැවති
තාවකාලික ලෙසින්
අවෑමෙන් සත් මසක
කාලයෙන් ගෙවුණු
සපිරී ඇත අත්පත් වූ
මහ ගෙයි කොටස
නාමයද බිහි කෙරූ
නිමා වී යන දිනක
නව නාමයක නිවස
නම් ලබා අද එන්න
නව පැතුම් නව පෙනුම්
රාජකාරියද නව
නව පිරිස් නව නීති
මැදක හමුවනා අප
ප්රීතිමත් පෙනුමකින්
සඟවලා පැරණි දුක
එක් වෙමින් දින්නට
ලොවක් සයුරින් එහා
මැකී ගිය නාමයක
සටහන් රැඳේ හදවතක
වියැකෙනා මතකයක
හිමිකරුවන් නොවන්නට
වෙන්වන්න කාලයද
පැමිණෙනා අසළින්ම
අවසාන මොහොත වුව
එක්ව සිටිමු අප සැවොම
---රකිත---
Subscribe to:
Posts (Atom)