ජීවිතයක් ජයගන්නට
සිතේ පැතුම් කරගන්නට
ලෝකය හා හැපෙන්නට
රැකියාවක් කරගන්නට
උදැහැනැක්කේ නැගිටලා
කන්තෝරුව හොයන් යන්නේ
කාඩ් එකත් ගහලා වැඩ
ඔක්කොම පටං ගන්නේ
අව්වද වැස්සද නෑ ඒ මැසිමත්
වැඩ එසැනින් කරන්නේ
හිතේ හයිය නිසාය නුඹ
මේ අයුරින් වැඩ කරන්නේ
දරුවන්ගේ බඩගින්නයි
සවන් පුරා රිදුම් දෙන්නේ
දෙමාපියන් ඇත බෙහෙතුත්
අරන් එනතුරු බලන්නේ
බිරිය ඉන්නේ මග බලාන
එළවළු මල්ලත් අරගන්නේ
මේ හැම දේ නිසාය නුඹ
නොමැරි මැරී වැඩ කරන්නේ
මහන්සි වී වැඩ කෙරුවා
අරමුණකුත් ඇති හින්දා
අනන්‍ත නුඹ දුක් වින්දා
ගෙදර පුතෙක් ඇති හින්දා
රණ්ඩු වුනා ගෙදර එක්ක
මීටිම දැන් ළඟ හින්දා
අම්මා වෙව්ල වෙව්ලා ඇවිත්
බත් දුන්නා මට බඩගිනි හින්දා
රැකියාවේ පීඩනයටට
රණ්ඩු වුනා බිරිඳ එක්ක
දරාගන්න බැරි කමටම
නොකා හිටියා කෑම එක්ක
කියාගන්න බැරි හින්දා නොකියා
හිටියා කාත් එක්ක
දරාගත්තා අමාරුවෙන් ඒ දුක
එකතු වෙලා මාත් එක්ක
කෑම ඔතද්දී අම්මා දාලා දිව්වා
පරක්කු වෙලා මීටිමට
විනාඩි පහට පරක්කු ඔබ
කපලා ගියා පඩි බාගෙට
විනය නීති තිබ්බට උන්
හිතුවේ නෑ අපේ ජීවිතයට
රැකියාව ඕනේ රැකගන්නට
කන්න දෙන්න පවුලකට
පොඩිදේටත් පීඩාවෙන් උත්තර තෝතැන්නක
කොහෙද මල්ලි නව අදහස්
වැරදුනාම නොමරා මරණ මුඩු බිමක
කොහෙද මල්ලි හිත නිදහස්
වැඩ විතරක් හිතන් ඉන්න තැනක
කොහෙද ඉදිරි ගමන් මගක්
විඩා බරිත සිත පමණයි මේ මට
නෑ මට ලැබුනේ සැනසුම නම්
බිරිය කියයි වෙන් වෙන්නට
යන්න ඕනේ ඩිවෝස් වෙලා
සැලකුවා විතරයි ඔහු
හොයලා බැලුවෙ පමා වෙලා
දරුවොත් අරං බිරිය ගියා
ඔහු හැරදා ගේ දොර පාළු වෙලා
රැකියාවක් නොව හෙණ ගෙඩියක්
වී ඒ ලොව වෙනස් වෙලා
අම්මා තාත්තා දවස ගානේ
මග බලන් ඉඳලා මැරිලා ගියා
දරුවෝ මල්ලෝ දන්නේ නැතුව
කුඩ්ඩො වෙලා හැදිලා ගියා
ගෑණි නිකං මළ මිනියක්
වගේ වෙලා ඇදිලා ගියා
රස්සවක් කරන්න මම උදේ හවා
දවස ගානේ කොළඹ ගියා
වයස හැටයි දුවන්න බෑ
රස්සාවක් කරගන්නට
පුපුරුගසයි දනිස් රිදුම්
පඩි සොච්චම තිස්දාහයි
ඉතුරුත් නෑ කෙරුවේ
දරන්න බෑ හරි වියදම්
හැරිලා බැලුවා ආපූ පාර
විඩාවකුයි ඉතිරි වුනේ
උඹෙ මැට්ටම් කමක් නැතේ
කරන්න බෑ රස්සවක්
වෙන්නේ හිඟා නොකා
හිඟා කාන්න දැන් මට නම්
---කලිඳු රණසිංහ---
