හිරු කුමරු අවරගිර - අපූරුව නික්ම යන
සඳ කුමරි අවරගිර - නැගී එන ලතාවද
නිසංසල සිත් අතර - වියද චංචල හදින්
සියොලඟම පුබුදුවන - ඉමිහිරි හැඟුමෙන්
කැදලි වෙත පියාසලන - සියොත් රෑන් මැද
වැකේ සවනත සොඳින් - නිශාචර හඬ නිතින්
හඬ නගන මහ සයුර - කිරි සයුර සේ දිලෙන
මෝදු වන තාරකාවන් - සඳ කුමරි පිරිවරා
පිපී ඇති තාරකා මල් - නුබ ගැබේ දිලෙන්නා
කැටි වළා පෙළ ගැසී - මද නලින් විසිරෙනා
සඳ කිරණ ඇද වැටෙන - මිහිකතද සිපිනා
සියල් පරිසර තොමෝ - නැහැවෙනා සිසිලසින්
නහවමින් තුරු ලතා - ශ්වේත වර්ණිත ලෙසින්
තණ බිස්ස දිලෙන්නේ - බුමුතුරුණු ලෙස මුතුව
සේපාලිකා පුෂ්පයන් - සුවඳ අතරින් හමන නල
තෙපලනා සිත තුමුද - නිසසරෙකු වන්නටද නිති
දිය මතින් ඉපිල එන - රන් මසුන් අතර මැද
නෙළුම් කැකුළක් පතන - රැයේ මිහිර මත
මල් රේණු මකරන්ද - සුවය විඳුමට රතිය
සීත මද නල හමයි - පුබුදුවා හැඟුමන් නේක
සඳ සිසිල ඇති රැයක - සිහින කුමරියද ඇති
මුදු පාද සතපමින් - තණ බිස්ස සනසමින්
රුවැති මුව මද හසින් - කෙහෙ රැල්ල විහිදුවා
ලමැද උකුල් වටොර - දුහුල් සළුවෙන් වසා
එකට හිඳ පටලවා දෑඟිලි - තුරුලුවන්නට නිතින්
මුවින් මුව සුසුම් පොද - උණුසුමින් දෙතොල් මත
ලතාවන් සේ වෙලෙන - මහා රුක් රජුන් ගත මත
සැතපෙන්න රැයක මුදු - සිසිල් උණුසුම මතින්
හබල් හඬ නැගේ දිය - තලා මැද ඔරු පදින
රැහැයි හඬ අතර මැද - නැගේ ඉමිහිරි හඬද
ගත තේමා වැගිර එන - සිසිල් දහඩිය සුවඳ
මුහු කරන යොවුන් බව - දෙව්ලොවේ සුවයකට
ද්විත්වයක් නොවනා - වන මුදු ඒක ලෙස කල
මිහිරක් විඳිනා සුවයන් - අතර ඉමිහිරිම සුවයද
වසන්තය උදාවන කලක - සඳ පහන් රැයකදී
අවසරයි විඳින්නට තුමු - සොඳුරු රාත්‍රී මිහිරාව
වෙහෙසකර ගත සිතද - සතපවන්නට සුවෙන්
මවන්නට සිහිනයන් - සොඳුරු ලෙස අවදියෙන්
විඳින්නට දිවි ගමන - නොවනු වස් විඳවමින්
දිගු කරනු රාත්‍රිය නිතින් - සැනසෙන්න සිත් සතන්
---රකිත---
