එකත් පසෙකව මගක් අයිනක
නිමවා සේවය ගමන නිවසට
සොහොයුරන් මව්න් දැකුමට
හානි හනික පා තබා ගමනනින්
රැක සිටි මරුවා කුලී මරුවෙකු වෙසින්
වැරදි ඉලක්කය බලා රුදු නෙතින්
වෙඩි සැර හෙළා ලය මැදට වන්නට
සිව් සකෙන් කරවා යට තහවුරු කෙරුමකට
හෙළා රුහිරය පපු කැනති සිදුරින්
බිඳී ගිය අත් පා රිය සකේ සවියෙන්
මුසු කරා වා තලයට අවසන් හුස්ම පොද
අත්හැර දමා ප්රාණය අහිමි සිරුරින්
ඇසිමි අහසක සිට භූමිය උපන්
මව නැගූ විලාපය මළ කඳ දුටු කලට
සොයුරන් නිහඬව කඳුළු කැට සලන
රැගෙන යන සිරුර මල් සල වෙතට
උපන් ගෙට ගෙනා බහාලූ සිරුර පෙට්ටිය
හඬන මව කියමින් අහිමි පුතු ගුණ
මිතුරු මිතුරියන් අසල්වාසීන් හිතවතුන්
කරන බුහුමන් අවසන් ලෙසට හැම
දින තුනක රැය දෙකක පුරාවට
හඬන මව සැනසුමට පිරිවර සිටින
නෑසියන් පවසනා නිමක් නැති කතා
පාරවයි ගොතනා ඇතැමුන් කියන බොරු
අවසන් ගමන සොහොන් බිම වෙත
ආදාහනාගාරයට තව ටිකක් දුර ඇති
මතක වස්ත්ර පුජා ගුණ කතන මැද
දවන්නට යන මෘත කලේබරය ඇත
වායුවෙන් පිඹ දල්වා ගිනි යන්ත්රයෙන්
දවන සිරුර එක්වේ කළු දුමින් අහසින්
දෑත් එක් කර හඬනා මව දුටිමි ඒ අතරින්
සොයුරන් දෙපෙල නිහඬව බලා ඇති
සේයාරූ දෙස බලා සුසුම් හෙළනා මවද
තනිකම දැනෙනා සොයුරන් දෙපෙල
නිලදරුවන් සොයයි වරදක් කළ වුන්
දඬුවමට නීතියට හසු කරන්නට
අවසරයි මනු ලොවෙන් සමු ගැන්මට
පර ලොවට මං විවරව ඇත දැන්ම
සොයා යන්නට නව ලොවක් නිම නැති
සිහිනයෙන් හෝ හමු නොවන්නට
පිං ඇත පව් ඇත ගෙවන්නට මතු භාවය
සසර පුරාවට ලබන්නට සෙනෙහස
මවුනි සොයුරනි පතමි නුඹ සැම අද
ලබන්නට මතු භව එකම පවුලක් විලසකට
---රකිත---