නිමිත්ත
සුපිරි වෙළඳ සැල් ආරක්ෂක නිලධාරිනියක විසින් අන්නාසි කැබැල්ලක් කෑ වරදට කළමනාකරු විසින් කළ වාචික හිරිහැර හේතුවෙන් කම්පනයට පත්ව මිය යයි.
පැය අටක් නොව
දොළොස් පැයකටත්
වැඩියෙන්
වැගුරුවෙමි ශ්රමය
උදෑසන සිට රාත්රිය
පුරාවට
හිස නමා සියල්ලට
පැමිණෙන
කළෙමි රාජකාරිය
නිවැරදිව
නියමිත ලෙසින්
දෙනෙත් පිනා යන
නේක වර්ණිත දසුන්
අහර පාන මෙන්මද ඇති
අරුමෝසම් බඩුද
බලා සැනසෙමි
සෝ සුසුම් මැද
අහිමි බව ඒ ලොව
පන්තියට හිමි
මා සිටින මායිමට
තුටු වන්නෙමි සිට
දුරින් බලමින
නැවුම් ඵල වැල තිබෙන
අලංකාරය දුටු සඳ
සිත පැවසුවේ
බැලුමට රසයක් දිව පිනන
වරම් නොමැති කළ
ලබන්නට රසය
ඇදී ගිය අත් දඬුව
අතැඟිලි තුඩට හසුවන්න
නැවුම් ඵල කැබලි
අන්නාසි නොදුටුවෙමි
රැක සිටින රකුසු ඇස
ගුගුරන නුබ ගැබ
වැසි නැති හෙණ හඬ
රකුසු වෙසින්
මුව අග රැඳි විෂ පිරි වදනින්
දෙදරවමින් මුළු මහලම
සැර පරුෂ බවකින්
සුදුමැලි වත සේ සුදු කඩදාසිය
තෙලිතුඩකින් පවසයි
කෙරුමට අකුරෙන්
මහා බල පාප කරුමයක්
විලසකින්
මැවෙනා රුව දරුවන්
බඩගිනි දුක් විඳිනා
අතමිට හිඟ ඇති වදනන්
ඇසෙනා සේ සැමියාගේ
වාරු නොමැත අත
කරනට වියමන් අකුරෙන්
නුහුරට ගැස්සෙයි
හද ගැබ
නරඹන මිනිසුන් අතරේ
භ්රමණය වන ලොව
අතරින් අඳුරට
පාවී යන ඉහළට ආකාසේ
පැන නැති කය
ගෙනයයි මා සොයුරු
සොයුරියන්
මහතුනි නැත මා කළ
සොරකම් ලෙස
කිමද නොපෙනෙනා
නොමිනිස්කම
උජාරුවෙන් බිනියි
වදන් කර පටි ඇති
මහතුන්
කෝටි ගණන්
සොරකමෙන් උපදවන
දහස් ගණන් ලෙස
රුහිරයද උරා බොන
උන්ට නොමැති
නීතිය නම් කුමටද
තැලෙනා පොඩිවන
විඳිනා දහ දුක
කිව මැන
මහතුනි වරදක්
ඇත කොතනද
---රකිත---