විදුලි මැහුම් යන්ත්රය හඬ නගන කල
කිටි කිටි හඬින් රිද්මය ඇසෙන කල
දැඟිලි දෙපා එක විට වැඩ කරන කල
හැඟුම් මතින් දිවි මංපෙත වියන කල
කිටි කිටි හඬින් රිද්මය ඇසෙන කල
දැඟිලි දෙපා එක විට වැඩ කරන කල
හැඟුම් මතින් දිවි මංපෙත වියන කල
උරුම නැති කමට සිප් සතරක් ලැබුමට
කාසි සොයන්නට අප සැම දිවි රැකුමට
හැරදා මාපියන් සොයුරන් නිවසින් බට
පැමිණ රැඳුනි ගෙතුමට සළු සෙයිලමට
කාසි සොයන්නට අප සැම දිවි රැකුමට
හැරදා මාපියන් සොයුරන් නිවසින් බට
පැමිණ රැඳුනි ගෙතුමට සළු සෙයිලමට
නේක මෝස්තර දමමින් යකඩ අසුද පිට
පැමිණයද නොරැවටුණි අවවාද අසා සිට
කම්හලේ රැවුම් ගෙරවුම් කැපුම් මැද සිට
දිනක් දුටිමි නුඹ රුව සීත කාමර තුළ සිට
පැමිණයද නොරැවටුණි අවවාද අසා සිට
කම්හලේ රැවුම් ගෙරවුම් කැපුම් මැද සිට
දිනක් දුටිමි නුඹ රුව සීත කාමර තුළ සිට
තුරුණු කඩවසම් මනා රුවද පිරුණු ඔහු
සිනා බරිත මුව මඬලින් සිටිනු දුටිමි ඔහු
උගත් කමින් සුදුසුකමින් ඇති ගුණ ඔහු
නැවතී ඇත සිත සෙනහසින් පාමුල ඔහු
සිනා බරිත මුව මඬලින් සිටිනු දුටිමි ඔහු
උගත් කමින් සුදුසුකමින් ඇති ගුණ ඔහු
නැවතී ඇත සිත සෙනහසින් පාමුල ඔහු
රුව ලැබ ඇත මා පෙර පින ඇති හන්දා
නැණ ලැබ නැත පෙර පව් ඇති හන්දා
ධන බල නැත අප හද්දා පිටිසර හන්දා
පෙම ඇත හද තුළ නුඹ සිත් බැඳි හන්දා
නැණ ලැබ නැත පෙර පව් ඇති හන්දා
ධන බල නැත අප හද්දා පිටිසර හන්දා
පෙම ඇත හද තුළ නුඹ සිත් බැඳි හන්දා
ඉඟි බිඟි පාන කෙල්ලන් රැල නුඹ දකින
මහතුනි බිය දැනේ උන් නුඹ අසුවී කියන
ගමන බිමන හැඩට වැඩට ඇතිවා සරිලන
ආසයි සිතින් හෝ ලංවී සිට පෙම් කරන
මහතුනි බිය දැනේ උන් නුඹ අසුවී කියන
ගමන බිමන හැඩට වැඩට ඇතිවා සරිලන
ආසයි සිතින් හෝ ලංවී සිට පෙම් කරන
පෙරුමන් පුරා ඔබ හා වදනක් දොඩන්නට
සිතක් හදක් ලතැවේ අද නුඹ පෙම පුදන්නට
දුප්පත් කෙල්ල දනිමි සැම නොව ගැලපුමට
ඇත ගනු නොමැති රිසි එනමුදු සිත දිනුමකට
සිතක් හදක් ලතැවේ අද නුඹ පෙම පුදන්නට
දුප්පත් කෙල්ල දනිමි සැම නොව ගැලපුමට
ඇත ගනු නොමැති රිසි එනමුදු සිත දිනුමකට
නුහුරු නුපුරුදු හැඟුමන් සිත ගත දවන
පාඩම් ඉගෙන ජීවන නෞකාවද හසුරන
ගෙත්තම් කරන්නට නව ලොව සනසන
මහතුනි පුදමි හද නිහඬව නුඹට පෙමින
පාඩම් ඉගෙන ජීවන නෞකාවද හසුරන
ගෙත්තම් කරන්නට නව ලොව සනසන
මහතුනි පුදමි හද නිහඬව නුඹට පෙමින
---රකිත---