පිපුණු රෝස කුසුමක් බඳුව
සිහිනයෙන් පමණ දුටු රුව
විහිදෙනා රැස් දහරින් පිරි
වනයේ මල් කුමරියක් ලෙස
සිහිනයෙන් පමණ දුටු රුව
විහිදෙනා රැස් දහරින් පිරි
වනයේ මල් කුමරියක් ලෙස
සොමි කිරණක් ලෙසින් එන
මෘදු වදන සවනත වැකෙන
පහන් හැඟුමක් සේ දැනෙන
මුදු මුවැත්තිය නුඹ යනෙන
මෘදු වදන සවනත වැකෙන
පහන් හැඟුමක් සේ දැනෙන
මුදු මුවැත්තිය නුඹ යනෙන
උදෑසන සොඳුරු බව පෙනෙන
හිරු දෙවිඳු සේ නුබ දිළෙන
ගීතයක සප්ත ස්වර මතින
සියල් වර්ණයෙන් සුසැදෙන
හිරු දෙවිඳු සේ නුබ දිළෙන
ගීතයක සප්ත ස්වර මතින
සියල් වර්ණයෙන් සුසැදෙන
හංස රැජිණියක් විලසින
දිය රැළි මත ඇති පියුමන
සිහිල් මද නලින් මතුවන
කුමාරියේ සිහින මවන
දිය රැළි මත ඇති පියුමන
සිහිල් මද නලින් මතුවන
කුමාරියේ සිහින මවන
මිහිදුම් සේලයෙන් එතෙන
සුරංගනා ලොවින් එන්න
සිසිලස ගිනි දැල් විහිදෙන
පෙම් පහසින් වැළඳගන්න
සුරංගනා ලොවින් එන්න
සිසිලස ගිනි දැල් විහිදෙන
පෙම් පහසින් වැළඳගන්න
සුමුදු සුවඳ සඳුන් පුසුඹින
මුදු ලෙස ස්පර්ෂිත කරවන
මන් මත් වී වැඩෙනා ලෙසින
සොඳුරු ලොවකදී තනිවෙන
මුදු ලෙස ස්පර්ෂිත කරවන
මන් මත් වී වැඩෙනා ලෙසින
සොඳුරු ලොවකදී තනිවෙන
---රකිත---