තුරුණු බව පිරි එකල
මඟුල් සේයාරුවට යට
ඇතිය දූ පුතුන් සතු කළ
ඔවුන් දිවි මගේ සටහන්
මඟුල් සේයාරුවට යට
ඇතිය දූ පුතුන් සතු කළ
ඔවුන් දිවි මගේ සටහන්
මහ ගෙදර තැනූ කැදලි නැත
ඉගිල ගොස් කුරුලු පැටවුන්
නුඹත් මමත් පමණි අද සිටින
සවස් කළ දිවි රැයක් වන්නට
ඉගිල ගොස් කුරුලු පැටවුන්
නුඹත් මමත් පමණි අද සිටින
සවස් කළ දිවි රැයක් වන්නට
පෙර දිනක හමුවෙලා පැතූ ලෙස
එක්ව ගත කළ දිවිය මනරම් වූද
කාලයා මුවා කර ලොවට අපගේ
ගෙවී ඇති අපූරුව බලනු මැන සුදූ
එක්ව ගත කළ දිවිය මනරම් වූද
කාලයා මුවා කර ලොවට අපගේ
ගෙවී ඇති අපූරුව බලනු මැන සුදූ
ගුරු පාර අද නොමැත මහ පාර එහි ඇතිය
දොළ පහර නොපෙනේය හරස් වී ඇති වැවට
වෙල් යාය සමුගෙනය ගොඩනැගිලි සමූහය
සොඳුරු බව අද නොමැත මතකයක් පමණි එය
දොළ පහර නොපෙනේය හරස් වී ඇති වැවට
වෙල් යාය සමුගෙනය ගොඩනැගිලි සමූහය
සොඳුරු බව අද නොමැත මතකයක් පමණි එය
ගිලී යන නෙතු සඟල වුවන රැළි වැටුණු ගත
සුදු කෙසින් පිරි හිසින් ඉදිරී වැටෙන රොදින්
සුදු කෙසින් පිරි හිසින් ඉදිරී වැටෙන රොදින්
වාරු නැති දෙපා අත් වාරු කර හැරමිටි ගසා
මුව වසා සිටිමි දන්තයද වෙන්වී ඇති නිසා
මුව වසා සිටිමි දන්තයද වෙන්වී ඇති නිසා
එක පසෙක ඇන තියන් නුඹේ තනියට සිටන්
වෙව්ලනා හඬ අවදි කරමි අද සිත් ලෙසින්
වෙව්ලනා හඬ අවදි කරමි අද සිත් ලෙසින්
වෙහෙසයි තරගයේ දුවා ඉවත් වී ඇත අපද
ඉතින් හිනැහෙමුද අපි මුවා වී සැබෑ ලොවට
ඉතින් හිනැහෙමුද අපි මුවා වී සැබෑ ලොවට
ආ ගිය කතා සිහි කරන් වන තුටු
කෙලෙස් නම් නොවේ මතකයන්
වැගිරෙනා කඳුළු කැට සතුට දුක පිරි
පිසලන්න අවසරද එදා මෙන් අදද
කෙලෙස් නම් නොවේ මතකයන්
වැගිරෙනා කඳුළු කැට සතුට දුක පිරි
පිසලන්න අවසරද එදා මෙන් අදද
නුරා බව ගිලිහි ඇති පිරි දයාබර සිතින්
නුඹේ හිස පිරි මදිමි සිපින්නට වාරු නැති
හිරු බැස යන කල් පැමිණ ඇත දිවියට
හෙට දිනක් ඇතිද අප අනියත වූ ලොවේ
නුඹේ හිස පිරි මදිමි සිපින්නට වාරු නැති
හිරු බැස යන කල් පැමිණ ඇත දිවියට
හෙට දිනක් ඇතිද අප අනියත වූ ලොවේ
සසර වසනා තුරා හමුවන්න පතමි ඔබ
අතීතය සැරිසරන තුරුණු සිත සන්සුන්ය
ලොවට අප අමතකව යන දිනය එනු ඇතිය
තණ අගින් පිණි බිංදු වැටෙනා ලෙසින
අතීතය සැරිසරන තුරුණු සිත සන්සුන්ය
ලොවට අප අමතකව යන දිනය එනු ඇතිය
තණ අගින් පිණි බිංදු වැටෙනා ලෙසින
පන නල රැකිමි නුඹද දරුවන් සමගින්
අවසන් කල වුවද හද පිරි සෙනෙහසින්
යුග ගීය ගැයූවෙමු එක්ව අප මේ භවින්
වෙන් නොවී හමු වෙමු අප කළ පිනෙන්
අවසන් කල වුවද හද පිරි සෙනෙහසින්
යුග ගීය ගැයූවෙමු එක්ව අප මේ භවින්
වෙන් නොවී හමු වෙමු අප කළ පිනෙන්
---රකිත---
