නිසි වයස් ගෙවුණු ඉක්බිති
ලබන්නට සිප් සතර ඉහලට
පැමිණි වරමක පහස විඳුමට
පැමිණි සඳ වෙතද සරසවිය
විසිර ඇති සාගරය සේ ලොව
දැනුම් සයුරින් පෙරා දෝතින්
ලබන්නට සිප් කිරෙන් ජයටැඹ
ඉරු දිනක සරසවි වරමකින්
නෙතු ගැටෙන නේක දසුනින්
පිනා යයි සිත් සතන් නිතැතින්
අහිමි බව දැනේ සොඳුරු ලොව
නොගැලපෙන ලෙසට වයසට
අහඹු ලෙස දුටිමි රුව නුඹේ
දෙසුම් අතරක උදැසන දින
දුටු ඒ දිනම බැඳුනි හදවතින්
සිතුනි නුඹේ වන්නට නිතින්
මල් වැසි වසින අඳුරු වැසි බීරුම
සියොත් ගී හඬ ඇසෙනා උදෑසන
දුටිමි සරසවි සොඳුරු දසුන් පෙළ
ඔබේ නෙතු යුග අද්දරින් සිටි කල
ජයගත් බව දැනුනි මුළු ලොවක්
දිනූ කලක නුඹේ හදවත සොඳුරු
සිහින මාළිගා ගොඩ නැගුණි එම
අනාගතයක නොපෙනෙනා කල
බැඳුනු වුව පෙමින් දෙහදක් නිතින්
නොවිමි මත් බඹරෙකු විලසකින්
රොන් උරා බී මල තලනා දුදනන්
වන්නට නම් නොවේ හද පාරමින්
වෙනස් වන පරිසරය තුළ වෙනස
නියත බව දැනෙනා ලෙස නිතින්
මත ගැටුම් ගැටලු ඇති තර්කයන්
ඇතිව ගිය සඳ නම් නොවැලකුමට
හමුවූ පිංබර සරසවි බිම තුළම
වෙන්වන්නට වන්නා අපූරුව
නොහැක ලැබුමට නුඹේ පෙම
වෙන්ව යමි මතු හමු නොවනට
කළ පිං මදිවාද ආලය ලබන්නට
කළ පව් වැඩිවිද ගැරහුම් ලබන්නට
කාලය නොමවේද ජය ලබන්නට
සිතකට හැකිවේද සැනසුම ලබන්නට
---රකිත---
