හිරුත් අවරට හැරෙන
හැන්දෑව සොඳුරු කම
විඳින්ට සිත් සේම
උදා වන දින ගනින
සැනසුමක් නැති සිතක්
සොයා යන මිහිරකට
විඳින්නේ කෙදිනකද
ඒ සොඳුරු හැඟුමද
වෙහෙසකර සති අගට
විවේකී සති අන්තයක
තනිව ඒ සොඳුරු ලොව
සැනසුමක් ලබන්නට
තව දුරද ඒ දිනය
උරුම වන්නට කලට
පමාවූ පාපයට
දඬුවමද වයස් කාලයත්
උසස් සිප් සතර ලැබ
නිමා නැත කල් ගතව
අදියරත් තවත් ඇත
ජය කණුව වෙත යන්න
පෙර කලක කළ
වරදකට නොදැනුවත්වම
ගෙවා වන්දියක්
වයසත් කාලයත් එක්ව
සෙක්කුවක බැඳි දිවිය ඇති
දිනපතා ජීවිත ගමන
සොයන්නට වෙනසක්
නොමැත සති අන්තයේ වුවද
සිප් සතර නොලැබ කළ
පමාවූ වරදකට ඇති
සැනසුමක් ඇත පෙනෙන
අහිමිවී නෙතු ඉදිරියට
පවුල් වී දූ දරු ලබා සේම දිනා
පෙම් සිහින ආලයෙන් වෙලී
මිතුරු මිතුරියන් දිවි දිනා ඇත
රැකියා සිප් සතරින් පර තෙරට
තනිව තව සිටත් සිරව කාලයේ
වයසින් ගතවෙලා ලෝකයේ
නුඹත් අද තනි වෙලා එක තැන
ජය ටැඹත් තව දුරට යන ලෙසිනා
පමාවූ වසන්තය ඵල බරයි
කී අයවලුන් සිනාසෙන කල
මුවගින් සරදමට පෙන්වා දසන්
අත් පා විසිකරමින් සොඳින
සියල් සරදම් විඳ සිත් ලෙසේ
කාලයේ අවෑමට එක්වෙමින්
ජය ටැඹ වෙත යමි වෙර දරා
මතු දිනක පැතුමන් රැගෙන
---රකිත---