නිමිත්ත - Audit girl
බියක් දැනුන මුත් සිතට එය
විගණනය නම් වදනක් වුවද
පැමිණි කල ඇය එහි උදෑසන
පහව ගිය බිය නුඹ වුවන දුටු
මුදු හඬින් අමතමින් කරුණු අසමින්
සටහන් කරන දෑ උකුල් පරිගණකයේ
වගකීමද භාරදූර වන කල වුවද
මද සිනාවෙන් සරසා මුව නිරන්තර
සිහින් අතැඟිලි දුවනා හැඩ යතුරු පුවරු මත
උපැසින් වැසූ දෙනෙත් දිවෙනා තිරය මත
එකිනෙක ගැටලු විමසා බලන මැනවින්
කුසලතා සපිරි වූ යුවතියක් වූ විලස
සියල් දෑ නිසි ලෙසින් සිදුවූ කලට කදිම
තුටු පෙනුම දුටු සඳ ඇගෙ වුවන මත තිබූ
විගණනය නිම වූ නමුදු නිම නොවූ හැඟුමන්
නික්ම ගිය සඳ ඇය සමුදෙමින් හසරැල් මතින්
කඩිසරෙන් වැඩ මතින් කාර්යය බහුලවද
දුව පැන යමින් නමුදු වෘත්තීය භාවයෙන්
ඉටු කරන රාජකාරිය නිවැරදිව නිති ලෙසින්
ඔබ අබියස නතර වූ කල සිතිවිලි පිරි හදවතක්
සිහිනයෙන් දකින්නෙමි නුඹේ රුව නිරන්තර
පවසන්න බොළඳ බස් කැස කවන සිත කදිම
රාජකාරිය මධ්යයේ දිවා සිහින දකින්නට
නුඹම විය වස්සානය ගිම්හාන නිමා කළ
පවසන්න දිරි නොමැති වුව හදට
කවිකමින් ගෙත්තෙම් කරමි
දකින්නට නිසඳැසක් නුඹ නෙතට
සංඛ්යාංගික අවකාශ තුළ මෙලෙස
අවුල් වියවුල් සහිත ජීවන ගමනක අතර
අහඹු ලෙස පැමිණ නැවතුමක සිටින විට
විගණනය කරන්නට දිවිය මා සතුව ඇති
හැකිද තව එක් වරක් දකින්නට නුඹ දිනක
-- එච්. එම්. ආර්. බී. රත්නායක --