රිදුම් දෙයි සවන්පත කන් යොමුව මත රැඳුණු
රිදුම් දෙයි තොල් සඟල සම වදන් තෙපලු සඳ
රිදුම් දෙයි පිට කොන්ද කුදු ගැසී සිටිය සඳ
රිදුම් දෙයි නෙතු සඟල නිදි වැරූ පෙර දිනට
වැඩ ගොන්න නිමා කර හැර ගියද පහේ කණිසමට
සිහිනයක් දකින්නෙමි තදබදය තුළ සිටම
ඇස නොදැකි ගත නොවැටි හිරු කිරණ නොදකිනම
නිශාචරයෙකි තුමුද දිවා රෑ සැරිසරන
අකලට පැසෙන නරකෙස පවසයි ගෙවෙනා වසත් කාලය
පිටුපා යන ඇගේ රුව හඟවයි බොඳව යන පෙම් සිහිනය
නෙතු කෙවෙණි තුළ රැඳුණු කඳුල පවසයි සිතේ දුක
හෙළන දුක් සෝ සුසුම හඟවයි තනිකමේ කරුමය
පවක් කළ ඇති නම් බේරුමක් නැත මෙමට
වරදක් කළ ඇති නම් සමාවක් නැත මෙමට
දොසක් ඇති නම් නිදොස් බව නැත මෙමට
ගැටළුවක් ඇති නම් විසඳුමක් නැත මෙමට
කෙම් බිමක් දකින්නෙමි රුදුරු මාරු කතර තුළ
රිදී රේඛාවන් දකින්නෙමි රැඳෙන කළු වළා තුළ
මිරිඟුවක් වූ දිවිය ගෙවන්නෙමි සෝ සුසුම් තුළ
කරුමයක් වුවද මෙය ගමනකි සසර මග තුළ
---රකිත---
No comments:
Post a Comment