දින සයක වෙහෙසකර
වැඩ ගොන්න නිමා
සතියක ඉරු දින පමණි
විවේකය ගතට ලැබගන්න
අඩුවැඩිය ගැනුමට මිලට දී
පා තැබූ වෙළඳපොළ වූහන්
නොකළෙමි නම් අනුභවය
අහි මාංශය රස කරන්
කැස්ස හෙම්බිරිස්සාවත්
හුරු පුරුදු දිවි මගට
හිටි හැටියේ වැළඳී ගත්
අමුතුවට සෙම් ගතිය
වියළි කැස්සක ගතිය
උගුරු දඬු නොතෙමෙනා
හිසත් කැක්කුම් දෙවන
ගතත් රිදුමන් දෙනා
උණත් ඉහලට නගින කල
හුස්ම පොදත් ආයාසයෙන්
වෙහෙසකර ගති දැනෙන
නුහුරටම යන රෝගයට
බෙහෙතක් නාහනා ගතට
බියට රෝහල් ගත වුවද
දැනගතිමි පසුව වැළඳුනු
රෝගයේ රඟ භයානක
දින එක දෙකට එන පෝලිමට
රෝගී දනන් දහස් ගණනනකට
අතරින අහිමි වේය ප්‍රාණයන්
සිය ගණන් විටින් විට ඇසෙන
නොවේ වාතය
නොවේ අවසාදිත බිඳු
ශරීරය නොගැටුණු
වරද මා අත නැති
සොබාදම් මව කරාද
මන්දා සරදම්
ලොවක් අද බියෙන්
ආ කොරෝනාවෙන්
යන්ත්‍ර ගත සිරව ඇති
රකින පණ නල මෙමා
දකිනෙමි මිනිස්කම්
නොමිනිස් කම් ලොවේ
වෛරසය ලොව දවන
වනසනා මිනිස් දිවි
දවනු මැන දෙවියනී
කොරෝනාවද ලොවින්
---රකිත---
No comments:
Post a Comment